LlB Llsgr. Ychwanegol 19,709 – tudalen 27r
Brut y Brenhinoedd
27r
rufein. pan vei yr hoỻ vẏt ẏn gỽedu idaỽ. ac veỻy drỽẏ
y ryỽ amadrodyon hynnẏ vfydhau a oruc gveiryd y
eu kygor a|darestỽg y amheraỽdyr rufein ac yn di ̷ ̷+
annot yd anuones gloyỽ yn ol y verch ỽrth y rodi
y weiryd a|thrvẏ borth gveiryd a|e ganhorthỽy gỽedẏ
hẏnnẏ y|gỽereskynvys gloyỽ yr yn·yssed ereiỻ yn|y
A gvedy mynet y|gayaf hỽnnỽ hebyaỽ [ gylch.
a dyuot y gỽanhvyn y doeth y|kenadeu o|rufein a
merch yr amheravdyr gantunt ac y|ducsant ar y|that.
Sef oed y henv gveinwissa. ac anryfedavt oed y thegvch
o|pryt a gosged. a|gvedy y|rodi y|weiryd mvy y|karei ef
hi no|r hoỻ vyt. ac vrth hẏnnẏ y|mynvys ef enryde ̷+
du y ỻe kyntaf y kyskvys ganti* o|tragywydavl gofe ̷+
digaeth. ac erchi a|wnaeth g˄weiryd y|r amheravdyr adei+
lat dinas yn|y ỻe hvnnv y gadv cof ry|wneuthur nei ̷+
thoreu kymeint a|r rei hynnẏ trvy yr oessoed. ac vfyd+
hau a|oruc yr amheravdyr vrth hẏnnẏ ac adeilat di ̷ ̷+
nas a|chaer. a|galỽ hvnnv yn tragywydavl o|e env ef
kaer loyv. ac yn keffinyd y·rvg kymry a|ỻoeger y|mae
y dinas hvnnv ar lan hafren ac y|gelwit kaer loyỽ yr
hẏnnẏ hyt hediv. a|gloechestyr yn saesnec. ac ereiỻ
a dyweit mae achaỽs mab yr amheravdyr a anet y+
no a elwit gloyỽ gvlat lydan ac eissoes o|r achavs
kyntaf a|dywespỽyt yd adeilvyt y|dinas ~ ~
Ac yn yr amser yd oed weirẏd yn gỽledychu ynys
.prydein. y|kymerth yr arglvyd iessu grist diodeifeint ym
pren croc yr prynu y cristynogyon a oedyn yg
keithiwet y kythreuleit
| « p 26v | p 27v » |