Breudwd Rhyddiaith Gymraeg 1300-1425
English

LlB Llsgr. Ychwanegol 19,709 – tudalen 49v

Brut y Brenhinoedd

49v

1
hvnnv duv gvener. am aỽch cret chỽi yr hon yssyd
2
iavnach y galv yn agret noc yn gret dolurus yv genyf
3
.i. ỻawen yỽ genyf. i. aỽch dyuotedigaeth chvi. kanys
4
amser reit im vrthyvch y doethavch na duv a|ỽch an+
5
uono na pheth araỻ. kanys vyg gelynyon yssyd y|m ky+
6
warsagu o|pop parth ac vrth hynny o|mynvch chỽitheu
7
kymryt kyt·lafur a|miui y ymlad a|m gelynyon min+
8
heu a|ỽch kynhalaf chwi yn enrydedus y|m teyrnas
9
ac a|vch kyfoethogaf o amryfael rodyon eur ac ar+
10
yant a|meirych a|thir a dayar a da araỻ. ac yn dianot
11
vfydhau a wnaethant vynteu y hynny. a gvrhau y|r
12
brenhin. ac adaỽ fydlonder idav drvy aruoỻ a|thri+
13
gyaỽ y·gyt ac ef yn|y ỻys. ac yn|y ỻe nachaf y|fichteit
14
y elynyon yn dineu o|r alban a|ỻu diruavr y veint
15
gantunt ac yn anreithav y gvladoed. ac yn ỻad eu
16
pobyl. a|phan gigleu vrtheyr hẏnẏ. kynuỻav y var+
17
chogyon a|wnaeth ynteu a mynet yn eu herbyn
18
a gvedy dyuot y deu lu y·gyt. ac ymlad. ny bu vavr
19
reit y|r kiỽdaỽtwẏr ymlad y dyd hvnnỽ. kanys y|sa+
20
ysson a ymladassant yn gyn|vrolet a|r gelynyon a|oe+
21
dynt yn pylu y kiỽdaỽtwyr yny vu reit vdunt  ̷ ̷
22
ymchoelut ar fo yn gewilydyus. 
23
A  gvedy kaffel o ỽrtheyrn y vudugolyaeth honno
24
drỽy y saesson. ynteu a ymlaỽys yn|y ỻe rodyon
25
vdunt vynteu. ac y hengist eu tywysaỽc y rodes yn
26
sỽyd geint lindysei tir a dayar megys y gaỻei ym+
27
ossymeithaỽ yn da ohonav ac ef a|e gytuarchogyon.