LlB Llsgr. Cotton Cleopatra A XIV – tudalen 84v
Llyfr Cyfnerth
84v
punt yỽ y werth. Or keffir lleidyr yn llosci
ty yn lletrat ae dala bit eneit·uadeu. Llei ̷+
dyr a dihenydyer ny dylyir dim oe da. ca ̷+
ny dylyir y diuỽyn ar dial. Eithyr talu
yr colledic y da cany dyly adaỽ dylyet yn
y ol arnaỽ. Ny byd galanas am leidyr
ac ny byd rỽg dỽy genedyl lyssyant yrdaỽ.
Ywen sant punt a| tal. Derwen whe
ugeint a| tal. Y neb a tyllo derwen trỽ ̷+
ydi trugeint a| tal. Keig ucheluar tru ̷+
geint a| tal. Pop keig arbenhic or derwen.
dec ar hugein a| tal. Avallen per truge ̷+
int a| tal. Auallen sur dec ar| hugeint a| tal.
Kollen pymthec a| tal. Pymthec a| tal y ̷+
wen coet. Draenen Seith a dimei a| tal.
Pop pren guedy hynny pedeir keinhaỽc
kyfreith a| tal eithyr fawyden. Honno we ̷+
ugeint a| tal. Y neb a latho derwen ar
ford y brenhin. talet tri buhyn camlỽrỽ
yr brenhin. A guerth y derwen. Ac arllỽ ̷+
ysset y ford yr brenhin. A phan el y bren ̷+
| « p 84r | p 85r » |