Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 17v

Llyfr Blegywryd

17v

trefi y llys. a|gỽer. a|blonnec yscrybyl y
llys. kyt sarhao y gỽassannaethỽyr y|ma+
er bissỽeil ỽrth dỽyn bỽyt a|llynn o|r ge  ̷+
gin. ac o|r vedgell par* a|r|neuad ny diỽy+
gir dim idaỽ am hynny. 
R Jghill y|tir a geiff yn ryd. ac yrỽg
y|dỽy golouynn y seif tra vo yr
arglỽyd ar|y vuyt. kannys ef
a|dyly gloglyt y|neuat rac tan yna.
a gỽedy bỽyt ysset ynteu. gyt a|r gỽas+
ssannaethỽyr. ac gỽedy hynny nac eist+
edet. ac na|thraỽet y post nessaf y|r bren+
hin. Gỽiraỽt gyureithaỽl a|geiff. nyt
amgen. lloneit y llestri y gollofyer ac
wynt o|r cỽrỽf. ac eu hanner o|r bragaỽt. ac eu|traean o|r med.
a|choeseu y gỽarthec a|ladher ynn|y ge+
gin y wnneuthur cuaranneu idaỽ. ny
bydant vch no|hyt vffarnned y|traet.
Naỽuettyt kynn calan gayaf y keiff
peis. a|chrys. a|chappan. a|their lladh o|li+
ein o|benn y elin hyt ym|pen y|bys perued
y wnneuthur llaỽdyr idaỽ. Ny byd hyt yn|y
dillat namyn is penn y|lin vrth glỽm
y laỽdyr. Calan maỽrth y keiff peis.
a|mantell. a|chrys. a|llaỽdyr. Penngỽ+
ch hagen a geiff yn tri amsser. Ef