Llsgr. Caerdydd 1.362 (Hafod 1) – tudalen 57r
Brut y Brenhinoedd
57r
del vch y pen. y wyth yn|y ỽyneb a|e lygeit. Sef a
wna y llỽynaỽc heb ebryuegu ynotaedic vrat.
Temhigaỽ y troet asseu a|e diwreidaỽ oll o|e gorff.
yd ysclyf ynteu y clust deheu yr llewynaỽc a|e los+
cỽrn gan neidaỽ draegeuyn. Ac yg gogoueu y my+
nyd yd ymdirgelha. ỽrth hynny y baed tỽylledic
a geis y bleid ar arth y eturyt idaỽ y golledigyon
aelodeu. y rei gỽedy elhont yn dadleu a adawant
deu troet a|chlust a lloscỽrn. Ac o rei hynny. gỽne+
uthur aelodeu hỽch idaỽ. Darestỽg a|wna ynteu
y hynny. Ac arhos y edewit. yn hynny y discyn y|ll+
wynaỽc o|r mynyd. Ac yd ymritha yn vleid. A my+
net y gyffrỽch a|wna ar baed. Ac yn ystrywys y lyn+
cu yn gỽbyl. Odyna yd ymritha yn vaed. A megys
heb aelodeu y derhy y vrodyr. Ac eissoes gỽedy delhont.
o deissyuynt deint y llad. Ac o pen y lleỽ y coronheir.
yn dydyeu hỽnnỽ y genir sarff a ymdywynnic y ag+
heu y rei marwaỽl. O hyt ef y kylchyna llundein. Ac
el heibaỽ a|lwnc. yr ych mynydaỽl a gymer pen bleid.
A|e danhed a wynhaa yg weith mor haffren. Ef a gy+
tymdeitha idaỽ kenueinoed yr alban a chymry. yr rei
a sychant auon temys gan y hyuet. yr assen a eilỽ
bỽch hir y varyf. a|e furyf a symut. Jrllonhau a wna
y mynydaỽl; yny bo galwedic y bleid. y tarỽ a ansoda y
gyrn yndunt. Gỽedy y madeuho hagen y dywalder. y
llỽnc eu kic ac eu hescyrn. Ac ym pen vryan y lloscir.
Gỽirychyon y gynneu; a samudir yn eleirch. y rei a no+
uyant yn|y sychdỽr megys yn yr auon. y pyscaỽt a
lyncant y pyscaỽt. Ar dynyon y. lyncant. y dynyon. ỽrth
| « p 56v | p 57v » |