Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 140v
Gwlad Ieuan Fendigaid
140v
y|mein hyt na ỽelher vyth o|hynny allann. Tri|diỽ+
arnnaỽt yn|yr ỽythnos y kerdant ac y|llithrant
y mein rei maỽr a|rei bychein ac y|dygant gantunt
rei ỽyd hyt y|mor tyỽaỽt. a|thra|uo yn kerdet ny
eill neb vynet drosti. y|pedỽar diỽarnnaỽt ereill
y keffir fford. llyma ryuedaỽt arall ysyd yno gyr
llaỽ y|diffeith yn emyl y|mynyned* ny pressỽyla neb
yno. y|mae auon ydan y|dayar. Ac ny cheiff neb
fford idi onyt damỽein. ef a|egyr y|dayar ỽeitheu
a|phỽy|bynnac yno a|uo yn kerdet heibaỽ. ef a
geif fford yr auon. Ac ar ffrỽst y|mae reit idaỽ
kerdet. rac attoeth cayv y|daear arnnaỽ. A|pha
beth|bynnac o|r tyỽaỽt a|dycco gantaỽ. mein gỽer+
thuaỽr vydant. A gemmev. Ar auon|honno a|gerdha
hyt y|myỽn auon arall ysyd voe no hi. Ac yn honno
nyt oes dim o|r gro na|r tyỽaỽt namyn mein gỽer+
thuaỽr. Ar auon honno yd a dynyon y|ỽlat hon+
no idi ac y|tynnant ac y|gantunt y|dygant ody+
no amyled o vein gỽerthuaỽr. A gemmev. Ac ny ly+
uassant ỽy ỽerthu y|rei hynny hyt pann y|my+
naccont yn gyntaf yn arderchogrỽyd ni. Ac o|r
mynnỽn ni eu hỽy ym plith yn heurgraỽn ni.
ni a|e kymerỽn ac a|rodỽn vdunt hanner eu
gỽerth. Os mynnỽn ynhev. ryd yỽ vdunt ỽy y
gỽerthu yn|y lle y|mynnont. Ef a vegir meibon
| « p 140r | p 141r » |