Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 45r
Ystoria Lucidar
45r
anghev deissyuyt y neb a vedylyho yn wastat
am|y varỽ. vrth hynny nac yr merthyrv a hey+
yrnn. nac yr dryllyaỽ o|vỽystuileit. nac o|e los+
ci o|flammev tan. nac o|e soddi o donnev. nac
o|e marỽ o|dryc dyghetuen arall. maỽrweir+
thaỽc vyd ger bronn duỽ vyd anghev y seint
ef. megys y|dyỽedir. O|ba anghev|bynnac y|bo
marỽ gỽiryonn ny dygir y|wironed y|gantaỽ.
A ryỽ anghev honno ny wna drỽc. namyn da.
kannys beth|bynnac a|bechaỽd ef drỽy dyny+
aỽl vreuolyaeth. ef a|vadeuir idaỽ drỽy chỽerỽ+
ed y anghev. A|e lles y|rei drỽc orwed yn hir
yn|y gỽeliev kynn ev marỽ. na les. kannys
o ba anghev|bynnac y boent veirỽ yn deissyuyt.
yn drỽc y|teruynir. kanny medylyant y|ma+
rỽ. Ac vrth hynny. gỽaethaf anghev yỽ vn
pechadur. A|e drỽc | y|rei gwiryon na cha+
ffont ev cladu yn|y kyssegyr. Nac ef. Yr holl
vyt yssyd demyl y|duỽ. kannys kyssegrỽyt o
waet krist. Vrth hynny beth|bynnac a|wnneler
na|e cladv maes. nac yg|koet. nac ygwernn
nac yn lle arall y|byryer ỽynt. na|e hyssu o|vỽ+
ystuileit. nac o|bryuet. Wynt a|achlessir yn ar+
ffet yr eglỽys yn wastat yr honn yssyd dros
wyneb yr holl vyt. A|e da vdunt ỽyntev ev cla+
| « p 44v | p 45v » |