Rhydychen, Llsgr. Coleg yr Iesu 57 – tudalen 68
Llyfr Blegywryd
68
ohonunt yỽ. kadỽ gỽestei yn|gyfreithaỽl. nyt
amgen no|e gadỽ o bryt gorchyfaerỽy. hyt y
bore. a dodi y laỽ drostaỽ o|e wely* deir gỽeith yn|y
nos honno. a hynny tyngu o·honaỽ a dyny+
on y|ty yn|y reith. Eil yỽ. geni a meithryn.
tyngu o|r perchen ar y|drydyd o wyr un vreint
ac ef. gỽelet geni a meithryn yr aniueil ar
y lỽ* heb deir·nos nos* y ỽrthaỽ. nac o rod nac
o|werth. Trydyd yỽ gỽarant. Pedweryd yỽ
kadỽ kynn coỻ. a hynny gỽneuthur o|r dyn
ar y drydyd o|wyr vn vreint ac ef kynn coỻi
o|r|ỻaỻ y|da bot y da|hỽnnỽ ar y|helỽ ef. Nyt
oes warant namyn ar|deir|ỻaỽ. a|r dryded
amdiffynnet trỽy gyfreith. Trydyd pedw+
ar yỽ. y pedwar|dyn nyt oes naỽd udunt.
nac yn|ỻys nac yn ỻann rac brenhin. dyn
a torro naỽd brenhin yn vn o|r teir|gỽyl ar+
bennic yn|y lys. Eil yỽ dyn a|wystler o|e vod
y|r brenhin. Trydyd yỽ y gỽynnossaỽc. y neb
a|dylyo y borthi y nos honno ac ny|s portho.
| « p 67 | p 69 » |