Rhydychen, Llsgr. Coleg yr Iesu 57 – tudalen 75
Llyfr Blegywryd
75
tra geisso gỽarthec gỽassaỽt. o galan mei
hyt galan gaeaf. ac ystalỽyn tra geisso kes+
sic gỽynned. a baed tra vo ỻodigrỽyd ar y
moch y bo arnunt. ny|diwygir dim o|r a|w+
nelont yna. Tri ỻỽdyn nyt oes gỽerth kyf+
reith arnunt. knyỽ hỽch. a bytheiat. a char+
lỽng. Tri gỽaet di·gyfreith yssyd. gỽaet
o benn crach. a gỽaet deint. a gỽaet trỽyn o+
nyt trỽy lit y goỻyngir. Tri than digyfreith
a|dotto dyn yn|y tir e|hun yssyd. tan godeith o
hanner maỽrth hyt hanner ebriỻ. a than
odyn trefgord. a|than geueil trefgord a vo naỽ
cam y ỽrth y dref a|tho banadyl neu tyweirch
arnei. Tri edyn a|dyly brenhin eu gỽerth
py du|bynnac y ỻader. hebaỽc. a gỽalch. a chic+
vran. perchennaỽc y tir y ỻader arnaỽ a dyly
dec a|deugeint y gan y neb a|e|ỻado. Tri|phryf a
dyly y brenhin eu gỽerth py du bynnac y ỻader.
ỻostlydan a beleu. a|charlỽng. kanys o·hon+
unt y gỽneir amarỽyeu* y diỻat y brenhin.
| « p 74 | p 76 » |