LlGC Llsgr. Llanstephan 27 (Llyfr Coch Talgarth) – tudalen 94r
Mabinogi Iesu Grist
94r
gerdet ac ỽynt. ac yn eu kedymdeithyas yn|y diffeith. A
pha|le bynnac y kerdynt. yr aniueileit hynny a vydynt
yn eu|blaen yn menegi fford ud·unt. ac yn gỽediaỽ y mab
vyth. a phan welsant ỽy hynny. bot amry·uaelyon ge+
nedloed o vỽystuileit yn dyuot yn eu herbyn. daly o·vyn
a|orugant. Ac y·na Jessu a|dywaỽt ỽrth veir o lawen olỽc.
vy mam i heb ef nac ovynhaa di o dim. nyt yr sarhaet ytt
y maent yn|dyuot. namyn yr dy|wassanaethu di y maent
ỽy yn bryssyaỽ ual hynn. ac o|r dywededigyon betheu hyn+
ny ef a dynnaỽd y mab ovyn o|e caỻonneu. Ac yna y ker+
daỽd y ỻewot y·gyt a|r assennot a|r ychen a oed yn dỽyn
eu hangenreidyeu ỽy. ac nyt argywedynt ỽy y neb yr pres+
sỽylyaỽ y·gyt. namyn hynaỽs oedynt ym|plith y deueit
a|r mehery·n a|dugassant ganthunt o|r india. ac a|oed y+
gyt ac ỽynt gyt a|r bleideu y kerdynt. ac nyt ergrynynt
dim racdunt. ac nyt argywedei vn o|e gilyd o·honunt. ac
yna y kyflenwit yr|hynn a|dywaỽt y proffỽyt. Y bleid
a|r|assen a besgir ygyt. a|r ỻeỽ a|r ych a|borant beisswyn
y·gyt. Yna yd oed deu ychen yn dỽyn y kerbyt a|oed a|e
hanghenreidyeu ỽynt yndaỽ. Ac yna yd|oed veir yn vlin
rac meint oed wres yr heul yn|y didrif. a phrenn palym
a gyhyrdaỽd ac ỽynt. a meir a|dywaỽt yna ỽrth Joseph.
Mi a orffwyssaf ychydic dan vric y prenn hỽnn. a phan
eistedaỽd meir wynuydedic y·dan y prenn edrych ar y
vric a|wnaeth. a hi a|welei y prenn yn ỻaỽn o aualeu. a
dywedut ỽrth Joseph a|wnaeth. Mi a chwennych beth o ffrỽ+
yth y prenn bettei a aỻei eu keissyaỽ ym. a joseph a
| « p 93v | p 94v » |