LlGC Llsgr. Llanstephan 4 – tudalen 32r
Buchedd Beuno
32r
a r mab. ac y doethant hyt yg|kaer seint yn
y lle yd oed y brenhin. Yr aỽr honn y gelwir
y ỻe hỽnnỽ y gaer yn|aruon. Ac yna y dyw+
awt beuno ỽrth y brenhin. Paham heb
ef y rodeist di ymi tref tat neb na|e dylyet.
pa achaỽs heb y brenhin pa|le mae y|neb
a e dyly ef. Y mab heb·y beuno yssyd yn
arffet y wreic racko a|dyly y|tir ac yssyd.
etiued arnaỽ. Dyro di heb·y beuno y|r
mab y tir. a|dyro y minneu dir araỻ am
hỽnnỽ. neu dyro ym y rod a roessum i ytt+
i. sef yỽ honnno* y waeỻ eur. Sef y rodes
y brenhin atteb trahaỽus balch y veuno.
Ny newidyaf|i heb ef a|thydi vn tir. Y rod
a rodeist ditheu ymi. minneu a|e roessum
hi y araỻ. Sef a|oruc beuno ỻidyaỽ a|dyỽ+
edut ỽrth y brenhin. Mi a archaf heb ef
y duỽ na bo hir y medrych di ar dir a|dae+
ar. a mynet ymeith a|oruc beuno a|e adaỽ
ynteu yn emeỻtigedic. Kefynderỽ oed y|r
brenhin a|elwit gỽideint. a hỽnnỽ a|gerda+
ỽd yn ol beuno ac a|e gordiwedaỽd y tu a+
raỻ y|r auon a|elwir sein. ỻe yr oed beu+
no yn eisted ar vaen yng|glann yr|auon.
a hỽnnỽ a|rodes dros y eneit e|hun ac eneit
katwaỻaỽn y gefynderỽ y|duỽ a beuno y
| « p 31v | p 32v » |