LlGC Llsgr. Peniarth 11 – tudalen 156r

orwedaỽd ac a|roes y benn rỽng y deu troet. A|phan|weles gỽalch+

mei hynny ef a|gyrchaỽd y porth ac a|doeth y|r casteỻ heb neb ryỽ les  ̷+

teir arnaỽ. ac a|disgynnaỽd. ac a|ossodes y daryan a|e waeỽ ỽrth

vur y|neuad. ac a|dringaỽd ar hyt y gradeu yny doeth y|r neuad

yr honn a|oed wedy|r liwo o|delweu eur. Gỽalchmei a|edrychaỽd ar

weith y neuad yn graff ~ ~ ~  

M Egys y bydei walchmei ueỻy nachaf deu varchaỽc

urdaỽl yn|dyuot o ystafeỻ. ac yn|y rassaỽu yn ỻawen.

Duỽ a|dalo yỽch heb·y gỽalchmei. Yna ỽynt a|diosgassant y

arueu y amdanaỽ. ac a|ducpỽyt dỽfyr idaỽ y ymolchi y|myỽn ca+

ỽc a|lavỽr o eur. ac ar hynny nachaf dỽy vorynyon yn dyuot a

diỻat idaỽ o|e gỽisgaỽ. ac yn erchi idaỽ gymryt yn|ỻawen yr

hynn a|eỻit idaỽ yno y wneuthur. kanys yma y mae ỻetty y mil+

wyr kywiryon. Duỽ a|dalo yỽch heb·y gỽalchmei. Yna gỽalch+

mei a|weles vot yn gymeint y goleuni yn|y neuad hyt nos

a|phettei yr heul yn disgleiryaỽ. a ryued vu gan walchmei hynny.

Pan daroed y walchmei wisgaỽ y diỻat ymdanaỽ ef a|welit

y baỽp y vot yn dec ac yn vaỽr y gedernit. Yna y marchogy+

on urdolyon a|ovynnassant y walchmei a vynnei dyuot y

ymw˄elet a|r|brenhin. Mynnaf yn ỻawen heb·y gỽalchmei. a

mi a vynnaf y anregu o|r cledyf hỽnn. Yna ỽynt a|e|dugassant

ef y ystaueỻ y brenhin. yn|y ỻe yd oed ef yn gorwed. ac nyt re+

it govyn a|oed da y|wely. a|r glustoc. yn|y ymyl yd oed croes o

eur. yn|yr ystaueỻ yd oed piler o eur. ac ar|warthaf hỽnnỽ yd

oed angel. a|chroes eur yn|y laỽ. a|phedwar tors o gỽyr yn ỻos+

gi yn|y gylch o·gylch. ~ ~ ~