LlGC Llsgr. Peniarth 11 – tudalen 225r
Ystoriau Saint Greal
225r
dyly y marchogyon urdolyon ỻauuryaỽ. Arglỽyd heb hi pỽy
yỽ dy henỽ di. Ef a|m|gelwir i arthur o tindagol heb ynteu.
a|deirit ytti y brenhin arthur heb hi. Mi a vum heb ynteu yn|y
lys ef lawer gỽeith. a|phei na|charei ef vyui ny chaffỽn i y gan+
lyn ef. na gỽ·alchmei. Yr vnbennes vyth a|oed yn edrych ar ar+
thur. ac ny wydyat hi panyỽ y brenhin oed ef. a hoff vu gen+
thi y|aruer. Ef a|dichaỽn y brenhin heb hi vot yn|hy. o|vot idaỽ
orderch os|mynn. Eissyoes ỻawer oed o|e dywedut y·rwng y ue+
dylyeu ef a|e arwydyon. kanys yd oed yn|dangos arwydyon tec
yn|yr rei yr oed y vorwyn yn ymdiryet yn vaỽr. Y morynyon
a|beris ystablu y meirch a|dwyn bỽyt udunt. a gỽassanaeth+
u ar y marchogyon yn|diamdlaỽt. ac odyna dwyn eu har+
ueu geyr eu|bronn a|wnaethpỽyt. ac nyt aethant y ỽrthunt yn+
y|disgynnaỽd kysgu arnunt. a|r marchogyon a|doethant o
beỻ yno a barassant gỽneuthur ỻuesteu udunt ar|hyt y
meyssyd. A|phan vu dyd drannoeth arthur a|gỽalchmei a
gyuodassant y|uyny. a|r hynaf o|r morynyon a|doeth att w+
alchmei. Arglỽyd heb hi mi a vynnaf dwyn ohonat hediỽ
yrof|i arueu cochyon. y rei a rodaf|i ytti. ac edrych ditheu ar
eu rac·dylyu ỽynt yn|da. kanys ny mynnaf|i dy adnabot ti
ar dy arueu dy hun. namyn dy alỽ y marchaỽc a|r arueu
cochyon. Duỽ a|dalo yt heb·y gỽalchmei. a minneu a|lafu+
ryaf hediỽ|yr dy vwyn yn oreu ac y gaỻỽyf. a|r ieuaf a|doeth
att y brenhin. arglỽyd heb hi. vy chwaer i a|wnaeth y rod. a ̷
minneu a|wnaf y meu inneu. Minneu a rodaf y titheu ar+
ueu eureit goreu a|weleist eiryoet. a|mi a|debygaf y racdylyy
| « p 224v | p 225v » |