LlGC Llsgr. Peniarth 11 – tudalen 243r

kanys o chaffei arthur le ỻaỽ arnaỽ. ef a aỻei wybot bot y vuch+

ed wedy teruynu. Kei a|aeth ymeith hyt ym|bryttaen vechan. ac

yno ef a|beris cadarnhau casteỻ idaỽ yn|yr hỽnn y|bu ef yn hir o

amser heb ryuelu o arthur arnaỽ. kanys yd oed idaỽ yn ỻe araỻ

a|wnelei. Ef a|eỻir gỽ·ybot nat oed vychan y ỻewenyd a|oed yn|y

wlat am|dyuotyat arthur y gaer ỻion. a|phaỽp a|doethant yno.

B Riant nyt ysgaelussaỽd ef y ualchder. namyn kadarnhau

ryuel a|wnaeth ef yn vwyaf ac y|gaỻaỽd. ac elinaus a

dyngaỽd na ffaelyei ef idaỽ tra vei vyỽ. ac na orffowyssei vyth yny

gaffei dial y dat ar laỽnslot. a megys yr|oed arthur diwarnaỽt yn bỽ+

yta yn|y neuad yng|kaerỻion. a|ỻawer o varchogyon urdolyon y+

gyt ac ef. ac ar y|neiỻ hanner idaỽ gỽalchmei. a laỽnslot ar y tu ar+

aỻ. ac owein uab uryen. a sagamor damunedic. ac owein vrych. a

ỻawer o varchogyon ereiỻ. dieithyr nat oed yno gymeint ac a not+

teynt vot. Lucanus vỽtler a|oed yn gỽassanaethu a|r gorlỽch eur

geyr bronn y brenhin. Yna arthur a|edrychaỽd ar hyt y neuad. ac

a|doeth cof idaỽ y vrenhines. a medylyaỽ a|oruc ef a|pheidyaỽ a

bwyta. ac yn|y vedỽl y doeth bot y lys wedy tlodi yn vaỽr o acha+

ỽs marwolyaeth y vrenhines. ac ual y byd ef yn medylyaỽ ueỻy

nachaf varchaỽc urdaỽl yn dyuot y|myỽn yn aruaỽc. ac yn

sefyỻ geyr bronn arthur a|e ogwyd ar|y waeỽ. ac yn dywedut. Ar+

glwyd heb ef gỽarandaỽ arnaf|i o|r reingk bod ytt. Magdalans

o orient a|m anuones i yman attat ti. y erchi ytt ymadaỽ a|r

vort gronn. kanys nyt oes ytti dylyet o|r|byt arnei hi. kanys