LlGC Llsgr. Peniarth 15 – tudalen 33

y|r sawl a|e|haedho ~ ~ ~

G wedẏ cretto dyn yn ffydlawn y|dvw trowẏ* ẏ|pynckev hẏnn hawd vyd

gantav garv dvw A|llẏma val ẏ|delẏ ef y|garv Dyn a|delẏ carv

dvw yn voe no dẏn o|r byt oll Ac ẏn voe no da pressennawl ẏ|bẏt

oll A cholli kedẏmeithas dẏnẏon y|byt oll A|diodef pob ryw argẏwed

a|thremẏc o|r a|ellit ẏ|wnnevthvr ar ẏ|gorff A|diodef pob ryw aghev gwa+

radwẏdvs no gwnevthvr pechawt marwawl nev godi dvw o|e vod

nev dan|wẏbot idaw Gwedẏ dvw dẏn a|delẏ carv y|eneit e|hvn yn

voe no dim A|gwedẏ y|eneit e|h·vn eneit y|gymodawc A gwedẏ

hẏnnẏ ẏ|gorff e|hvn A gwedy y|gorff e|hỽn. korff y gymodawc

Sef y|delẏ dẏn pvchaw y eneit a|chorff y|gymodawc caffel kyffelyb

da Ac a|rẏbvchei y|gaffel o|e eneit e|hvn a|e gorff Ac yr keissaw gan

dyn carv dvw yn voe no dim a|e gymodawc Megẏs e|hvn y|gw+

naethpw·ẏt ẏr ysgrẏthvr lan  

G wedẏ cretto dẏn yn ffydlawn A|charv dvw yn voe no dim Ac ẏn|ẏ

mod y|delẏho ẏ|garv hawd gantaw wnnevthvr gorchẏmẏnnev dvw

Sef yw hẏnnẏ erbynnyaw y|degheir defyd* A|e cadw yn ffydlawn A chẏn+

taf o|r degeir dedẏf yw Na viit ytt gev dwẏev yn|ẏ geir hwnnw yd

eirch dvw Na wneler Rinẏev nac arsanghev na|chẏfvarỽẏdonn na

swynev gwahardedic gann ẏr eglwys catholic ẏ|gwnevthvr Eil geir

dedyf yw Nna* chymer enw dvw yn orwac ẏn|ẏ geir hwnnw y|gwahard

dvw pob rẏw annvdon Ac ouerlw Trydyd Geir. Dedyf. yw doet y|th gof|gesse  ̷+

grv dyw svl ẏn|ẏ geir hwnnw yd eirch dvw ẏ|dẏn na wnel ef weith na|e

annẏveil na|e was na|e vorwẏn na phechawt marwawl yn dẏd svl nev

dẏd gwẏl a|wahardho yr eglwẏs kannẏs ẏn|ẏ dẏdyev ar·bennic hẏnny

y|delẏir gvediaw. a golochwẏdaw a gwnevthvr gweithredoed y|drvgared pedwe+

ryd Geir. Dedyf. henrẏda dy vam a|that yn|y geir hwnnw yd eirch dvw ẏ dyn

wnevthvr diwall wassannaeth trwẏ vfylltawt ac ennrẏded y|vam a|e

dat A chẏffylyb wassannaeth a|delẏ dẏn y|wnevthvr a|hwnnw o|e bre+

lat a|e periglawr Ac y|dat knawdawl nev y|vam pymhet Geir. Dedyf yw

Na lad gelein yn|ẏ geir hwnnw yd eirch dvw ẏ|dẏn na ladho a|e law nac

o|e annot nac o|e* arch dvw y|dẏn na ladho a|e law nac o|e arch nac o|e gẏn+

ghor nac o|e annoc nac o|e estrẏw nac o|gytssynnẏaw na rodi ehofẏnndra y|am+

dẏffynn lleidyat Ac ẏn|ẏ geir hwnnw hevyt yt eirch dvw y|dẏn na wnel

ar·gẏwed ar gorff dyn o|e daraw nev o|e dolvrẏaw nev y|garcharv. Ac yn|ẏ

geir hwnnw yd eirch dvw y|dẏn na dycco ymborth na da dẏnẏon tlodyon

Sef yw hẏnnẏ trwẏ dwyll nev trwy gamwed Ac na atter dẏnẏon tlodi+

on y|varw o|newyn Ac eissev ac na chattwo dyn Geir Dedyf. yw Na wna