LlGC Llsgr. Peniarth 190 – tudalen 224
Ymborth yr Enaid
224
dynaỽl eneit y ỽrth y gnaỽdaỽl gorff o+
ny cheiff y corff y vydaỽl ymborth. veỻy
y gỽahana duỽ a|r eneit y nefaỽl ymborth.
Sef yỽ hỽnnỽ dỽywolder teilỽng garyat.
Y perffeith garyat hỽnnỽ a|n rodo yr ys+
pryt glan yr hỽnn yssyd wir garyat yn
keniret annwylserch y·rỽng y tat a|r
mab. ac a vuchedockaa yn vn dwyolder
ac ỽynt yn dragywydaỽl oes oessoed. amen
Ac ueỻy y teruyna y ỻyfryr* a|elwir ym+
borth yr eneit. yr hỽnn yssyd dryded ỻyfyr
o|r ỻyfyr a|elwir kyssegyrlan vuched.
Ysgythrer yma weithon gylch o naỽrad
yr engylyon. megys y perthyno y bop grad.
yn briaỽt. ac yn|y rad uchaf vn mab duỽ
megys y dywetpỽyt uchot yn dygynlut
ymgaru a|e ffydlonyon.
| « p 223 | p 225 » |