LlGC Llsgr. Peniarth 190 – tudalen 62
Ystoria Lucidar
62
direitaf dynyon ynt. y neb a|gaffont y byt
hỽnn ỽrth eu kyngor a|e hewyỻys o bop
peth heb wrthỽynebed udunt. vn ffunyt
yd ys yn meithryn y rei hynny a|sychwyd
ỽrth eu rodi ar y|tan. Ac yng|gỽrthỽyneb y
hynny detwydaf dynyon ynt y rei a wa+
harder eu hewyỻys racdunt yman. ac a
gyuarffo govidyeu ỻawer ac ỽynt. kanys
y rei hynny megys meibyon yn ol eu gỽ+
areu fynn a dygir y|r deyrnas megys y
dywedir. Duỽ a|gospa pob mab o|r|a gym+
ero ef. a|gỽybyd di kyt kaffo y rei drỽc
goron brenhinyaeth yman. anghenogyon
vydant o|gỽbyl rac ỻaỽ. ac ny bydant vyth
heb poeneu arnunt. a|r etholedigyon kyt
boent yngheithiwet. ac yng|karchar yman
kyuoethaỽc a ryd vydant rac ỻaỽ. ac ny
bydant heb poeneu arnadunt yn wastat
yn|y byt hỽnn. discipulus. Yr karyat duỽ par ym
glywet hynny yn amlygach. Magister Y rei drỽc
yssyd dlodyon yn wastat. am vot bar duỽ
| « p 61 | p 63 » |