LlGC Llsgr. Peniarth 32 (Y Llyfr Teg) – tudalen 218
Llyfr Iorwerth
218
heb y vynnu. Jaỽn yỽ rannu o|r un a|e mynn. a
dewissaỽ o baỽp yn|y vlaen ef. a|dewissent ỽynteu
o hynaf y hynaf. o|r bydant kymreint. ac ony
bydant; dewisset yr uchaf y vreint O|deruyd. y|dyn
mynnu gỽneuthur tỽrỽf. neu eniwet am tir a da+
ear y araỻ; gỽnaet ar y tir y bo yr haỽl arnaỽ.
ac os gỽna ar|tir ˄ny bo haỽl arnaỽ; talet a|wnel.
kany dyly diffeithaỽ namyn y tir y bo haỽl ar+
naỽ. Sef yỽ tỽryf; ỻosgi tei. neu torri ereidyr
hynny yỽ tỽryf. einwet yỽ; kỽyn mynych ỽrth
wlat ar arglỽyd. kanny chaffo iaỽn y|mlỽydyn.
a blỽydyned. nyt diffodedic y haỽl yr hyt y bo
hebdaỽ. Am haỽl aryant neu ysgrybyl. neu da
araỻ ny dylyer gỽneuthur tỽryf. namyn eni+
wet. a|e holi bop blỽydyn. ac o|r byd vn vlỽydyn
heb y holi a|dydgỽeith mỽy. gan y vot yn gyw+
lat a|e haỽl; y bot yn haỽl dra|blỽydyn o|hynny
aỻan ac yn diffodedic. O|deruyd. bot ymderuynu y·rỽg
deudyn. A|dywedut o|r haỽlỽr bot idaỽ o|vreint
teruynu. ony|s amheu yr amdiffynnỽr; dangos+
set y deruyn. Os yr amdiffynnỽr a|e hamheu
ynteu; bit kyfreith. y·rygthunt am eu breint. a|r hỽn
y barnher y breint idaỽ; dangosset y deruyn.
O|deruyd. y|dyn kymheỻ ar araỻ megys adef drỽc
arnaỽ; neu dilyssu da o|e anuod. neu ganhadu
o|e anuod gỽneuthur. afles idaỽ. a|dodi hynny eil+
| « p 217 | p 219 » |