LlGC Llsgr. Peniarth 32 (Y Llyfr Teg) – tudalen 260
Brut y Saeson
260
y deuth henri y loeger ac y derbynỽyt. yn ỻaỽen
ac y coronhaỽyt. hỽnnỽ a|oresgynaỽd y keyryd
a|r kestyỻ a berthynynt ar y deyrnas ac a|ỽrth ̷ ̷+
ladaỽd estraỽn|genedyl. Ac a|ỽastataaỽd yr hedỽch
ac ido y bu pumeib a|their merchet. kyntaf vu
Wiỻiam a vu varỽ yn vab yr eil vu henri a|e dat
a|e coron·haỽd yn|y vỽyt*. Ac yn|y ỻe ynteu a|aeth
yn erbyn y tat. A chynt y bu varỽ ef no|e dat.
Y trydyd vu Jeffrei ac ef a|e hedeỽis yn|etiued
ido Arthur ac Elianor pedỽared vu Ricard pu ̷ ̷+
med vu Jeuan. Henri a|gymerth y deyrnas drache ̷+
fyn ac a|ỽledychaỽd deir|blyned ar|hugeint. Ac
y·danaỽ ef y|merthyrỽyt seint Thomas o geint
dros vreint yr eglỽys. Oet yr arglỽyd oed yna
vn vlỽdyn ar dec a|thrugeint a chant a. Mil.
[ Wyth|mlyned a phedỽar|ugeint a Cant. a. Mil.
oed. oet. crist pan ỽledychaỽd ricard y vab ef. Hỽnnỽ
yn|yr eil vlỽdyn o|e deyrnas a gadarhaaỽd* tag+
neued yrydaỽ a brenhin freinc ac a|aeth a|chroes
a|their ỻog ar|deg o|logeu maỽr a|th˄eir hỽyl ar
pob ỻog A|chan|log ereiỻ a|dec galei a deugeint
a|thri ryỽ vat ym·pob vn hỽnỽ a|delis amheraỽdyr
cipris ac a gauas diruaỽr long a elvit dromỽnd
Ac a|oresgynaỽd ỻaỽer o gestyỻ a rei diỽethaf ger+
ỻaỽ babilon. Ac a|gauas seith mil o gamelot yn
gẏfyrbỽn o da a deugeint mil o baganneit hỽn
| « p 259 | p 261 » |