LlGC Llsgr. Peniarth 33 – tudalen 134
Llyfr Blegywryd
134
rac ẏ|gỽr o|e hanuod. ac nẏ|chẏll dim
o|e hiaỽn ẏ gan ẏ|neb a|e|duc. ac nẏ
thal ẏ|hamobẏr ẏ|r arglỽẏd. O r
a gwreic hagen ẏn llathrud o an+
uod ẏ|chenedẏl; nẏ eill neb ẏ|hat+
twẏn o|e hanuod rac ẏ|gỽr. O|r lle ẏ
bo ẏ|hattlam ẏ telir ẏ|hambobẏr. ~
Gwreic a|dẏccer lathrut. ac nẏ
wnel amot ẏg gwẏd tẏston ar ga ̷ ̷+
ffel iawn o gwbẏl. nẏ cheiff herwẏd
gwẏr gwẏned onnẏt tri eidon. Her+
ỽẏd gwẏr ẏ|deheu hi a gaffei gẏnt
ẏ|hegỽedi ẏn|hollaỽl. megẏs gwreic
a|rothei ẏ|chenedẏl ẏ|wr. Y neb a
dẏcco morỽẏn ẏn llathrut. a dẏwedut
o|r ỽorwẏn pẏ|ỽeint a|rodẏ di ẏmi. a
dẏwedut ohonnaỽ. Mi|a rodaf itt ẏ
veint honn. a chẏdarnhaỽ hẏnnẏ a+
r|ẏ|gret. ac vch benn creireu. Os gwat+
ta gỽedẏ hẏnnẏ. kẏmeret hi ẏ creireu
a|thẏget idaỽ adaỽ ẏ|veint honno. ac
vellẏ nẏ eill dim ẏnn|ẏ herbẏn. ka+
nnẏs credadỽẏ ẏỽ ẏ|thẏstolẏaeth e ̷
hunan ẏnn|ẏ lle hỽnnỽ Y neb a|dẏc+
| « p 133 | p 135 » |