LlGC Llsgr. Peniarth 33 – tudalen 48
Llyfr Blegywryd
48
a|rotho tan. ẏ|r neb a|losco ac ef. han+
ner ẏ colloet* a|wnnel ẏ tan a|tal. a|r
hanner arall a|dẏsgẏnn ar|ẏ neb a|e
dotto. ẏ tan ẏ|mẏỽn ẏr hẏn a|loscer
A|hỽnnỽ ẏỽ cỽbẏl weithret llosc. Ac
onnẏ bẏd neb alla arall ẏn affei ̷+
thaỽl. gyt ac ef. talet e|hun oll ẏ
coỻet a|del o|r llosc hỽnnỽ onnẏ di ̷+
chaỽn ẏmdiheuraỽ trỽẏ reith a gwlat
K Ẏntaf ẏỽ; o|naỽ affeitheu le+
trat. amkanu vrth getymdei+
th ẏr|hẏnn a geisser ẏn ỻetrat
Eil ẏỽ; duunaỽ am ẏ lletrat. Trẏdẏd
ẏỽ; rodi kẏghor ẏ|ledratta. Petweryd
ẏỽ mẏnet ẏg|ketymdeithas leidẏr pan
el y|lettrata. Pẏmhet ẏỽ; mẏnet y|mẏ ̷+
ỽn y|tref ẏgẏt a lleidẏr. a thorrẏ* ẏ|tẏ ne+
u ẏr buarth. Seithuet ẏỽ; kerdet dẏd
neu nos gẏt a|r lletrat. Wẏthuet ẏỽ
kẏmrẏt rann o|r lletrat. Naỽuet ẏỽ
kelu lletrat ar|ẏ|lleẏdẏr Holl affei ̷+
theu gweithret o affeitheu; galanas
neu losc. neu letrat. dirỽẏus vẏd pob
vn ohonunt. Tauaỽt·rud a llẏgatrud
| « p 47 | p 49 » |