LlGC Llsgr. Peniarth 35 – tudalen 4v
Llyfr Cynog
4v
yỽ hyn. O|r gỽna dyn ac arall y talu dylyet a
dylyher idaỽ a gỽrthot yr oet o|r haỽlỽr. ar kynogyn
yn kynnic idaỽ yr oet. A chadỽ o|r haỽlỽr yr oet. ~
gỽedy gỽrthot yn gyntaf. Os haỽl yr haỽlỽr ual
hyn y haỽl. Da a| dylyaf i y ti a|e enwi. A hỽnnỽ a
ryỽ oet ymdanaỽ a| chyn cheff·ych ti cadỽ yr oet
ny|s keueis i. uy haỽl inheu yd ỽyt yn| y adef. A|ch*+
ny chaffỽyf kyn no hyn dyuot y kymryt uyn
da. Mi a| deuthum hediỽ. A chanys adefedic y| da;
ac nat oes genhyt a dottych ym herbyn. min+
heu a dylyaf uyn da. [ Mae genhyf uinheu
a dottỽyf y|th erbyn. Gỽneuthur oet o·honof
a| thi a gỽrthot o·honot ti yr oet. Ac am y ỽrthot
o·honot ny deuthum i idaỽ ef. Ac am y cadỽ o
uot wedy y ỽrthot. y dodaf i ar kyfreith. Na teu di y
peth a ỽrthodeist am liỽ. Pỽy| bynhac a holo
lledrat ual hyn y dyly y holi. Enwi y dyn yd ho+
lo y lle·drat idaỽ. Ac enwi y ryỽ ledrat a holho;
A| phy ueint o ledrat a holo. Ac o pedwar geir
colledic y dyly y holi herwyd kyfreith. hywel. A hynny
yn lluossaỽc. Ac yn ol hynny. y dylyir gwadu
y geir yn| y gilyd. A| thystu ar eir. Ac o cỽympir
ar eir. Barnu ar eir. Ac ual hyn y dyly yr haỽ+
lỽr dywedut Gan y enwi ef a|e dat. Os any+
ueil a haỽl. Ti a| ssymudeist y meu i y ar y dỽr
| « p 4r | p 5r » |