LlGC Llsgr. Peniarth 35 – tudalen 68v
Llyfr Cynghawsedd
68v
ardelu e| benfic eny ỽo degeffro haul arnaỽ
ac ena e rody er perchenauc. O guata en+
teu henne Jaun eỽ gadu e prau er perche+
nauc. ac o| ffena e| prau ardelwet e llall
e| benfyc eny ỽo dygeffro er haul hono arnaỽ
a guedy henne roder er perchenauc. ac o+
ny ellyr y caffael ef roder a deweto kyfreith en| e
le ef.
Dextra scriptoris careat grauitate
doloris. Jn nomine dei amen.
deruid bot deu perchenauc a damdug
da o pop ỽn onadunt en wahanedyc
en lau ỽn den. ac en er ỽn dathleu Jaun
eỽ gadu e ardelu idau am pop ỽn onadunt.
O seyf y ardelu idau byt ryt. O falla y
ardelu ydau am eneyll cen boyt gỽyryon
O|r llall byt eneid uadeu o byt kemeynt
y lledrad ac y delyo bod en eneyd uadeu.
O deruid pallu y ardelu ydau am pop
ỽn onadunt. byd eneid uadeu am eneyll
onadunt en lle cosb yr argluit. ac o byt
kewerthit seith punt o da yr lleydyr
Jr argluit heỽyd a|y dely en cosb am e llall.
a llena ỽn lle dely argluit eneid lleydyr
a|y da.
| « p 68r | p 69r » |