LlGC Llsgr. Peniarth 37 – tudalen 38v
Llyfr Cyfnerth
38v
tir dyn arall. keinaỽc. kyfreith. a| geiff neu|r cỽyr
ar dewis perchennaỽc y tir. Ny chymer as+
gelleit ureint modrydaf hyt kalan mei.
yna hagen pedeir ar| ugeint yỽ y gwerth.
OR pan dotter yt yn| y dayar y +kyfreith yt a
ny el yn| y ysgub. Aryant gwarthay*
tal a| daỽ arnaỽ. Odyna ysgub iach yn lle
yr glaf. O bob march hualaỽc neu lawe+
theiraỽc. keinaỽc. y dyd. A dỽy yr nos. Or byd
disgyfrith oll y march pan dalher ar yr yt
Talet tri buhyn camlỽrỽ yr brenin. Dodet
hagen y dỽy egỽyt ar yr un troet idaỽ.
Ac y uelly ny chyll dim. O bob eidon buar+
th. Dimei y dyd a dỽy y nos. Or cadỽ. kyfreith.
or moch. yr hỽch a| dewisso. Eithyr y tri lly+
dyn arbenhic. Dalher yny llỽgỽr; o kyfreith.
ryd uydant y tri hynny. A chymeret
keinaỽc. O bob hỽch or rei ereill. Ac yna hagen
| « p 38r | p 39r » |