LlGC Llsgr. Peniarth 38 – tudalen 13r
Llyfr Blegywryd
13r
a|pan gyfarffo y mach a|r talaỽdyr; yspeilet
ef oc a vo ymdanaỽ o dillat eithyr y pilin ~
nessaf idaỽ. ac velly gỽnaet byth hyny ga ̷ ̷+
ffo tal cỽbyl y gantaỽ. Y neb a|adefho dy ̷ ̷+
lyu da idaỽ. talet yn diohir eithyr yn|y teir
gỽyl arbenic. y|nadolic. a|r pasc. a|r sulgỽyn.
nyt amgen o nos nadolic gỽedy gosper; h+
yt duỽ kalan gỽedy offeren. O nos pasc ~ ~
gỽedy datỽrein; hyt duỽ pasc bychan gỽe ̷+
dy offeren. O nos sadỽrn sulgỽyn gỽedy
gosper. hyt duỽ sul y trindaỽt gỽedy offe ̷+
ren. kany dyly neb gofyn y gilyd yn|y dieỽ+
ed hynny. O r kanhatta y kynnogyn y|r m ̷+
ach rodi kyỽerthyt punt y gỽystyl deudec
keinhaỽc. a chyn oet y gỽystyl; y golli. ny
dyly y kynnogyn trachefyn namyn dimei.
kanys hynny yỽ trayan keinhaỽc kyfre+
ith. a chan llygrỽys ynteu breint y ỽystyl.
O|r dyry y mach peth maỽr yg|gỽystyl p+
eth bychan. yr haỽlỽr a dyly y gymryt. a|ch ̷+
| « p 12v | p 13v » |