LlGC Llsgr. Peniarth 38 – tudalen 30r
Llyfr Blegywryd
30r
garỽ neu eir hagyr ỽrth y brenhin; talet gam ̷+
lỽrỽ deudyblic idaỽ. P·ump dyn nessaf y
ỽerth a|ỽatta beich kefyn ony holir yn lledrat.
Deudegỽyr a|ỽatta gỽerth trugeint. ony
holir yn lledrat. Petỽar gỽyr ar|hugeint
a|ỽatta gỽerth ỽheugeint. O yth* ỽyr a|deu ̷
ugeint a|ỽatta punt neu y gỽerth. ony holir
yn lledrat. S·eith|nyn a|ỽatta mỽy no beich
kefyn. T·ri|dyn a|ỽatta llei no beich kefyn. De ̷ ̷+
u·degỽyr a|ỽatta pỽn march. ac velly y gỽedir
pop da ony holir yn lledrat. ~ ~ ~ ~
P ỽy|bynhac a gỽynho yn sefydlaỽc rac dyn
o dadyl ger bron braỽtỽr; yn|y lle y kymellir
yr amdiffynnỽr y atteb. kanyt oes oet idaỽ yn|y
gyfreith hon. pan dangosso kỽynỽr y|haỽl; onyt
atteb yr amdiffynnỽr idaỽ yn diohir. y kỽynỽr a
dyly galỽ tyston a|thystu na ỽadỽys dim. Odyna
aent y braỽtỽyr ar neilltu am y dadyl honno. ac
anuonent deuỽr at y kỽynỽr y ofyn idaỽ pỽy y
tyston a|enỽis. a|phy|beth a|tystỽys vdunt. Pan
| « p 29v | p 30v » |