LlGC Llsgr. Peniarth 38 – tudalen 37v
Llyfr Blegywryd
37v
D·iffeith brenhin y dyỽedir morỽyn. ac ỽrth
hynny y dyly y brenhin y gobyr.
G Obyr merch brenhin; ỽhephunt. ac y|r va+
m y telir. kanys tir vyd y choỽyll. y mei ̷ ̷+
nt a|ỽelho y gỽr y vot yn iaỽn. y hegỽedi; pe ̷+
deir punt ar|hugeint. G·obyr merch penken+
edyl; punt yỽ. Gobyr merch vchelỽr; ỽheug+
eint. Gobyr merch bilein; pedeir ar|hugeint.
Gobyr merch bonhedic canhỽynaỽl; pedeir
ar|hugeint. Gobyr alltudes; pedeir ar|hugeint
Megys y dyly gỽr nodi meicheu dros y heg ̷+
ỽedi; velly y|dyly ryeni y vorỽyn rodi meicheu
na ỽnel hitheu goỽc* yn erbyn y gỽr.
S Eith escobty yssẏd yn|dyfet. vn yỽ My ̷+
nyỽ yn eistedua arbenhic y|ghymry. Eil
yỽ llan ismael. Tryded llan degeman. Petỽ ̷+
ared llan vssyllt. Pymhet llan teilaỽ. ỽhech ̷+
et llan teulydaỽc. Seithuet llan Geneu. a ̷+
bateu teilaỽ. a|theulydaỽc. ac ismael. a|deg+
eman. a|dylyant vot yn llythyraỽl vrdolyon.
| « p 37r | p 38r » |