LlGC Llsgr. Peniarth 38 – tudalen 64v
Llyfr Blegywryd
64v
y|choỽyll. a|e hargyfreu. a|hỽynebỽerth. os ry|gafas
kyn no hynny o gymryt o|e gỽr ỽreic arall yn|y herbyn.
Tri defnyd haỽl yssyd. golỽc. a geir. a|gỽeithret. T+
eir golỽc a|dygir y|ghyfreith. golỽc tyst o|e tystolyaeth.
a golỽc managyae* o|e vanac. a golỽc llygatrud ky ̷ ̷+
lus am lad neu losc. neu ledrat. Tri geir kylus yssyd.
geir y bo gỽeli tafaỽt ymdanaỽ. a|gỽallaỽgeir yn
llys. a|thafaỽtrudyaeth. am lad. neu losc. neu ledrat.
Tri ryỽ ỽallaỽgeir yssyd. geir gỽall yn holi o rỽy
neu eisseu. a|geir gỽall yn amdiffyn o rỽy neu eisseu.
a|geir gỽall yn gỽadu. o|r kyntaf y kyll haỽlỽr y ha ̷+
ỽl o|r a|berthyno ỽrth y geir o|r dygir tyston yn|y er ̷ ̷+
byn. ac ny|chyll kamlỽrỽ. kanyt oes gamgỽyn ky ̷ ̷+
lus y|ghyfreith eithyr tri. O|r eil neu o|r trydyd y kyll
amdiffynnỽr gamlỽrỽ a diuỽyn yr haỽl o|r a|perth ̷+
yno ỽrth y geir y|tystỽyt o|e ỽall. Tri|theruyn ha+
ỽl yssyd. gỽadu. neu profi. neu lyssu tyston Tri
pheth ny chygein y|ghyfreith. praỽf ar ỽeithret
eithyr tri. a|gỽat dros ỽaessaf. a|chof gỽedy braỽt.
Tri gỽeithret yssyd ar praỽf. llafur kyfreithaỽl
neu aghyfreithaỽl ar tir megys torri ffin. neu
ỽneuthur ffin. neu lafur arall. a|gỽeithret llỽdyn
| « p 64r | p 65r » |