LlGC Llsgr. Peniarth 46 – tudalen 111
Brut y Brenhinoedd
111
nullaỽ a|diaghoed o|e lu. ac yn ymlad a|r
dinas a|elỽit yn|yr amser hỽnnỽ caer pe+
ris. ac elỽir yn aỽr porcestyr. ac yn dian+
not ỽedy cael y|gaer. a gỽasgaru y|muro+
ed. kychỽyn a|ỽnaeth yn ol gỽeiryd a ath+
oed y|gaer ỽynt. a gỽedy dyuot hyt yno
dechreu ymlad a|r gaer a medylyaỽ gỽar+
chae gỽeiryd yny delhei yn|y eỽyllys. a gỽe+
dy gỽelet o ỽeiryd y|ỽarchae uelly yn|y di+
nas. kyỽeiraỽ a|ỽnaeth y|lu yn uydinoed
a|mynet allan y|rodi cat ar uaes y|r amheraỽdyr.
a|e lu. a|phann ỽelas yr amheraỽdyr ef mor di+
uygỽl a|hynny. anuon a oruc at ỽeiryd y
geissaỽ tagnef y|gantaỽ. canys ouyn oed
gantaỽ leỽder y|brytannyeit a|e kedernyt.
a|diogelach uu gantaỽ trỽy doethineb
y goresgyn noc ymrodi y|ymlad ac ỽy.
Sef ual yd anuones y|rodi y|uerch yn ỽr+
eic y|ỽeiryd gann gynhal brenhinaeth
.ynys. prydein. dan rufein. ac o|gyt·gygor y|ỽyrda y
gỽnaeth gỽeiryd y|tagned. a|chymryt
| « p 110 | p 112 » |