LlGC Llsgr. Peniarth 46 – tudalen 19
Brut y Brenhinoedd
19
leỽenyd. a mynet y|r diffeith y|r lle yd
oed yr anhedeu. ac yna y gelỽis brutus
y|henhafgỽyr attaỽ y ymgyghor ac ỽy
beth a|ỽnaei y pandrasus vrenhin gro+
ec. kanys tra vei ef yn|y carchar hỽy
dir oed idaỽ ỽneuthur a|vynhynt ỽy.
ac yna y|rodet amraual gyghoreu a*
am y brenhin. ac gỽedy eu bot yn|yr a
amrysson hỽnnỽ y|kyuodes vn onadunt
y|vynyd membyr oed y enỽ. a|dyỽedut
bot yn oreu kymryt canhyat y|vynet
ymdeith o|r mynhynt iechyt a|hedỽch
vdunt ac y|hetiued gỽedy hỽy. kanys
o rydheynt hỽy y|brenhin. a chymryt
rann o|e teyrnnas gantaỽ y|pressỽylaỽ
yndi ymplith gỽyr groec. ef a|tebygei
na|cheffynt hedỽch yn tragyỽydaỽl acha+
ỽs y|saỽl a ladyssynt onadunt. a|chygho+
ri a|ỽnaeth ef y|vrutus kymryt merch y
brenhin yn ỽreic idaỽ yr honn a|elỽit ig+
nogen. a|llogeu. a|phob peth o|r a|vei reit
| « p 18 | p 20 » |