LlGC Llsgr. Peniarth 46 – tudalen 35
Brut y Brenhinoedd
35
hedu. Tec oed y|hansaỽd hitheu o auonyd
tec. a|choedyd amyl a|bỽystuileit gỽyllt.
a bodlaỽn uuant y|r lle ỽrth pressỽylaỽ
yndaỽ. a gỽedy gỽelet o|r keỽri ỽynt yn
damgylchynu yr ynys. ffo a|ỽnaethant
hỽy y ogouev y|kerryc. a|r mynyded. ac
yna o|gannyat brutus y|rannỽyt yr|ynys.
ac y dechreuit diỽyllaỽ y|tir. ac adeilat
y|tei. ac ar vyrr o amser gỽneuthur
diruaỽr gyfuanhed yndi. ac y|mynnỽys
brutus galỽ yr ynys o|e enỽ ef. bryttaen.
a|r genedyl yn bryttannyeit. a|r ieith
a|elỽit gynt ieith tro. neu gymraec. a|el+
ỽit gỽedy hynny. bryttannec. ac o|r dysc
hỽnnỽ y|mynnỽys corineus galỽ yr rann
yntev o|r ynys kernyỽ. a|r bopyl yn cor ̷+
neueit. kanys pann rannỽyt yr|ynys y
cauas corineus deỽis. ac y|deỽissỽys yntev
y|rann honno. canys yno yd oed amlaf
y keỽri. ac nat oed dim digriuach gan+
taỽ yntev noc ymlad a|rei hynny. ac
| « p 34 | p 36 » |