LlGC Llsgr. Peniarth 46 – tudalen 8
Brut y Brenhinoedd
8
saracus yn geteirnn ac yn baraỽt idaỽ
haỽd uu gantaỽ uuudhav vdunt a|ch+
ymryt tyỽyssogaeth arnadunt. ac y+
na gỽedy dyrchauel brutus yn tyỽyssa+
ỽc. galỽ a oruc ataỽ gỽyr tro o bop mann
a|chadarnhav kestyll asaracus a oruc.
a|e llenỽi o|vỽyt a llynn. a gỽyr ac ar+
ueu. ac gỽedy daruot hynny kychỽyn
a oruc ef ac asaracus a|r holl gynnulle+
itua gantunt. y|gỽraged. a|r meibon.
a|r anreithev hyt yn ynyalỽch y|diffe+
ith. a|r coedyd. ac odyna anuon a|oruc
brutus llythyr at pandrasus vrenhin
groec yn|y mod hỽnn.
B rutus tyỽyssaỽc gỽedillonn ge+
nedyl tro. yn anuon annerch
y pandrasus vrenhin tro groec. a mene+
gi idaỽ nat oed teilwg idaỽ atal yg
keithiỽet eglur vrenhinaỽl genedyl o
lin dardan. na|e keithiỽaỽ yn amgen
noc y|dylynt yn herỽyd eu bonhed.
| « p 7 | p 9 » |