LlGC Llsgr. Peniarth 47 rhan i – tudalen 16
Ystoria Dared
16
Pentisilia a|elwis beunyd ar y groegussy+
on y|ymlad. ac a|diffeithaỽd eu llu agamemnon
drỽy gygor a|gadarnnỽys y ac
nyt ymdangosses ym mrỽydyr yny doeth
menelaus. a neptolemus gyt ac
ef a|doeth menelaus ac a rodet
chyuoeth ychel y|neptolemus
gỽedy eu kymryt ohonaỽ dyuot oho+
naỽ ar|ved y|tat. a|oruc ef. Pentisilia val
y|gnottayssei a|gyỽeiraỽd y lu a gyr+
chaỽd y|gestyll y|groegussyon. yn y erbyn y
doeth agamemnon. a|e|lu. ymgyrchu a|oruc
y|deulu. neptolemus. a|gỽyr mirmidon a
ladassant laỽer. Pentissilia yn ỽychyr a
ymladaỽd laỽer o|dydyeu. a|llaỽer o bop tu
a|las. pentisilia a|vrathaỽd neptolemus
ac ynteu yn vrathedic a|ladaỽd pentisilia.
a|gỽedy llad pentissilia y|ffoes y troyanus+
syon a|ffoassant yn|ỽassgaraỽc y|r gaer.
a|r groegussyon a|gylchynassant y gaer
hyt nat oed fford y|nep y|vynet y|myỽn
nac y|r annyueileit y|dyuot allann
| « p 15 | p 17 » |