Breudwd Rhyddiaith Gymraeg 1300-1425
English

Llsgr. Amwythig 11 – tudalen 37

Gwasanaeth Mair

37

lẏgrir pan ẏmdidano a|e elẏnẏon ỽrth
borth gỽaret Gogonẏant ẏ|r tat Megys
G ỽẏn ẏ bẏt paỽb a ofynhao ẏr arg+
lỽẏd. ac a gerdo ẏn|ẏ fford kẏuarỽ+
ẏdd Hỽnn a vỽẏtey llauur dẏ dwẏlaỽ
gwẏnuẏdic ỽẏt a da vẏd ẏtt rac llaỽ
Dẏ wreic a geffy mal amẏl winllan
ẏn ẏstlẏsseu dẏ tẏ mal prenn perllan
Dẏ veibẏon mal oliwẏd ẏgkẏlch dẏ uort
a phaỽb ẏn detwẏd Llẏma megẏs ẏ ben+
digẏr ẏ dẏn. a ofẏnhao ẏr arglỽẏd rac ẏ
elẏn Bendicket ẏtt arglỽẏd o sion eluẏd
ẏnẏ welẏch daoed caerussalem beunẏd.
Ac ẏnẏ welẏch veibẏon dẏ veibyon a
hedỽch ar israel a|e holl dẏnẏon Gogonyant Megys
Antem Mam o blant gỽẏrẏ ẏn escor llawen+
haa a hẏfrẏtta veir wẏrẏ uam duỽ Cabidwl
M i a wreideis ẏn|ẏr anrẏdedus bobyl
a|e tref·tat ef ẏn ranneu vẏn duỽ
i a|m kẏnhalẏat ẏg|kẏflaỽnder ẏ seint