Breudwd Rhyddiaith Gymraeg 1300-1425
English

Llsgr. Amwythig 11 – tudalen 64

Pa ddelw y dylai dyn gredu i Dduw

64

ra a gỽin a hỽnnỽ a rodir ẏr tagnofedu
duỽ a phechadur ac ẏr glanhau eneit dẏn
o|e bechodeu madeuaỽl ac ẏr ẏ·chwa·ne+
  kau rat ẏ ỽrthlad pechodeu. Petỽ+
rẏd. Rinwed. ẏỽ penẏt Sef ẏỽ hẏnnẏ poeni
o dẏn e|hun o arch ẏ beriglaỽr trỽẏ gỽ+
bẏl ediuarỽch a chẏffes lan ac ẏn teir
ran ẏ dosperthir penẏt ẏn wedi ac vn
prẏt a chardaỽt megẏs dẏn a gotho
duỽ o torri ẏ orchẏmẏnneu drỽẏ ediua+
rỽch a chẏffes lan gỽediet ar duỽ ẏ gaffel
ẏ drugared ẏn lle ẏ digrifỽch a gẏmerth
ẏn|ẏ ˄pechaỽt poẏnet dẏn ẏ gorff drỽẏ vnprẏt a
phererindodeu a gỽeithredoed gobrỽẏ+
us. ac o|chaỽs* na ỽẏr dẏn vot ẏn gẏmere+
dic gan duỽ ẏ ỽedi neu ẏ ỽeithret rodet
gardaỽt o|e da pressennaỽl ẏr enrẏded
ẏ duỽ ac ẏr gỽediaỽ a phenẏdẏaỽ dros+
taỽ Pẏmet Rinwed. aghennu Sef hẏnnẏ do+
di oleỽ kẏssegredic ar dẏn mẏỽn clefẏt