Caergrawnt, Llsgr. Coleg y Drindod O.7.1 – tudalen 12r
Llyfr Blegywryd
12r
a alwo tyston ac ny allo eu dỽyn
rac ỽyneb. dygỽydet y dadyl. Oet
tyston gorwlat. neu warant gor+
wlat. pytheỽnos. Oet tyston neu
warant tra mor; vn dyd a blỽydyn.
Pỽy bynhac a dechreuho dadyl
ar gylus kydrychaỽl paraỽt y at ̷+
teb. a gỽedy hynny tewi ỽrthaỽ
vn dyd a blỽlỽydyn* am yr vn dadyl
honno; ny dylyir y warandaỽ rac
llaỽ ony phallỽys kyfreith idaỽ
o vyỽn y vlỽydyn honno. kyfreith. mach.
TAlaỽdyr ar ny thalho cỽbyl
oe dylyet. ef a dyly y talu.
Or byd rỽg talaỽdyr a dy ̷+
lyaỽdyr dyd gossodedic y talu y
dylyet; ef a dyly arhos y dyd. Pỽy
bynhac a ofynho dylyet trỽy gỽyn
kyn yr oet. kyhyt a hynny y dyly
bot hebdaỽ gỽedy yr oet. Pỽy byn ̷+
hac a gymero gauael dros dylyet
heb ganhat arglỽydiaeth; cam+
lyryus vyd. O teir fford y byd ryd
mach am dylyet kyfadef. Vn yỽ;
| « p 11v | p 12v » |