Caergrawnt, Llsgr. Coleg y Drindod O.7.1 – tudalen 62v
Llyfr Blegywryd
62v
Tri ryỽ diebryt yssyd. Vn dỽyn peth
ac nyt atuerer trachefyn. Eil yỽ adaỽ
argywed ar|dyn neu ar yr eidaỽ heb
wneuthur iaỽn na hedỽch ymdanaỽ.
Trydyd yỽ diebryt dyn oe dylyet dros
amser y dalu. O tri mod y cae kyf+
reith rỽg haỽlỽr ac amdiffynnỽr. vn
yỽ o golli y amser. a hỽnnỽ a damwe ̷+
nha o lawer mod. Eil yỽ o haỽl hep
perch*. Trydyd yỽ o teruynu y dadyl
kyn no hynny. Tri theruyn kyf+
reithaỽl yssyd. vn yỽ teruyn o gyf+
undeb pleideu. Eil yỽ teruyn gos+
sodedic rỽg pleideu trỽy gymroded+
wyr. Trydyd yỽ teruyn trỽy varn.
TEir dadyl a dylyant eu iachau
ac eu barnu trỽy deturyt gỽlat
yn erbyn haerlluged. Vn yỽ dadyl
am venffyc. neu ỽystyl. neu auael ys ̷+
syd vn gyfreith. Eil yỽ dadyl y bo am ̷+
diffyn yndi. neu yn amgen gỽat am
tir. Tryded yỽ; dadyl o ỽrthrymder bren+
hin yn erbyn kyfreith. Tri ryỽ va ̷+
nac yssyd ac am pob vn o·honunt
| « p 62r | p 63r » |