LlGC Llsgr. 24049 (Boston 5) – tudalen 90
Llyfr Blegywryd
90
braỽt onnẏt o|berigẏl gỽerth ẏ|tauot.
Ac nẏt oes werth gossodedic ẏg|kẏurei+
th hẏwel da ar aẏlawt a gỽaet a|sarha+
et dẏn eglỽẏssic. Ac ỽrth hẏnnẏ nẏ eill
neb ohonunt ỽẏ rodi gỽẏstẏl ẏn erb+
ẏn braỽt. na chẏt a|braỽt. Holl argẏỽ+
ed segẏrffẏc a|wnelher ẏ|r eglỽẏssỽẏr a
dẏlẏir ẏ emendenhau* vdunt ẏnn|ẏ se+
ned herỽẏd kẏureith eglỽẏssic. TRi
pheth a|dẏlẏ pob braỽdỽr ẏ warandaw ẏ
gan ẏ|kẏnhenwẏr kẏn barnu ẏ neb oh+
onunt ẏn enill nac ẏn gollet. nẏt am+
gen. Cỽẏn. A|deisẏf. Ac atteb. Pỽẏ|b+
ẏnnac a gollo peth trỽẏ braỽt tremẏc;
ef a|dichaỽn rodi gỽẏstẏl ẏnn|ẏ erbẏn
pan ẏ mẏnho o vẏỽn vn dẏd a blỽẏdẏn.
ẏnn|ẏ vlỽẏdẏn gẏntaf ẏ caffo ef iaỽn ẏ
gan ẏ|brenhin. A|r braỽdỽr a|rodes ẏ|varn
ẏn seuẏll ỽrth gẏureith trỽ·ẏ ẏ|veint
amser hỽnnỽ. Os o vẏỽn ẏr amser hỽ+
nnỽ ẏd ẏmỽẏstla ef ẏn erbẏn ẏ varn;
ef a|dẏlẏir eturẏt idaỽ ẏ|holl gollet
heb ohir. Ac ef a|dẏlẏ kẏnhal hỽnnỽ ẏn
rỽẏmedic ỽrth gẏureith hẏnnẏ rother
dosbarth trỽẏ lẏureu kyureith ẏrẏd+
haỽ a|r braỽdỽr am ẏ varn tremẏc. me+
| « p 89 | p 91 » |