LlB Llsgr. Cotton Cleopatra B V rhan i – tudalen 109v
Brenhinoedd y Saeson
109v
Salysburie. ac escob badon a oed yna yn wellys.
ac escob chichestyr. ac escob winchestyr. ac escob
Excestyr yr hon a rannwyt yna yn deu hanner;
y neill hanner y Cridintone. ar hanner arall y
seint german yng|kerniw. Y vrenhin Mers y do+
eth gloucesterssire. Wircestyrssire. Warwicssire. Staf+
fortssire. derbissire. chestyrssire. schropssire. herfort+
ssire. oxenfortssire. bocckinghamssire. hontyndon+
ssire. a hnner* betfortssire. norhamtonssire. leicester+
ssire. nicolesssire. notinghamssire. A their escobot
oed yn|y gyvoeth; nyt amgen. escob caerlleon. ac
escob henford. ac escob caervrangon. Y vrenhin
estssex y doeth cantebruggessire. northfolc. south+
folc. estssex. a hanner betfortssire. A their escobot
a oed yn|y gyuoeth; nyt amgen escob norwic.
ac escob llundein. ac escob eli. Y vrenhin north+
humerlond y doeth o|r tu hwnt y humyr hyt yn
mor prydyn. A dwy escobot a oed yn|y gyvoeth.
nyt amgen arch·escob caer effrauc. ac escob
durham. Ac val ydoedynt velly yn gwledychu
yn hedwch dagnauedus. a gwedy peidiaw o|r
dymhestyl
Ef a doeth Juor vab alan ac ynyr y nei val
y dywetpwyt vchot y dir lloegyr ac ev llu
git ac wynt. Sef oed hynny; teir blyned a phe+
dwar vgeint a chwechant gwedy geni duw.
Ac yn ev herbyn wyntheu y doeth y saesson;
ac ymlad ac wynt yn wychyr creulon calet.
ac yn yr ymlad hwnnw y llas lluossogrwyd
| « p 109r | p 110r » |