LlB Llsgr. Cotton Titus D IX – tudalen 83r
Llyfr Blegywryd
83r
nỽr dangos arall gỽrthỽynneb idi a|uo teily+
gach yg|kyureith yscriuennedic. y braỽdỽr
a oruyd. Onny|s dichaun. ef a|oruydir. NY
seif neb amdiffynn. ac ny|thyccya yr am+
diffynnỽr. onny byd amsseraỽl yn|y dadyl
herỽyd cof llys. a gỽir herỽyd deturyt
gỽlat. ac a|berthynno yn|briodaỽl herỽ+
yd kyureith. yn erbyn yr haỽlỽr ar|y da+
dyl o|r honn y dywetter. POb gỽat hag+
en gann tygu cỽbyl. a|vyd digaun y|r gỽ+
adỽr. ac y|reithỽr ac attoeth. kynn bo gỽ+
ir. kynny a|allo gỽir a|chyureith kyt
gerdet ym|pob lle. kyt kerdont yn vy+
nych. Pỽy|bynnac a dywetto ar|y bren+
hin. neu ar|neb o|e bleit ef. ae yn sỽyd.
ae ym breint arall. wnneuthur gorth+
rym yn erbyn kyureith idaỽ. ef a|dy+
ly caffel deturyt gỽlat am hynny. ac
os y deturyt gỽlat a|dyỽeit vot hyn+
ny yn wir. ynn|y lle y|dylyir y|iaỽnhav.
a|hỽnnỽ yỽ y|dosparth kyffredin pennaf
yrỽg yr arglỽyd a|e wyr. yn erbyn ke+
dernyt arglỽyd. Y neb a|watto galan+
as. a|e haffeitheu heb adef dim. llỽ deg+
ỽyr a|deugeint a|dyry. ac velly y|dyry
o|r gỽedir vn ohonunt. Y neb a|watto
| « p 82v | p 83v » |