Llsgr. Caerdydd 1.362 (Hafod 1) – tudalen 53v
Brut y Brenhinoedd
53v
Ty rufein a ofynhaa popyl yd anrydedir. A|e weithre+
doed a vyd bỽyt yr a|e datgano. Wheych gỽedy ef a ymly+
nant y teyrnweyalen. A gỽedy ỽynteu y kyuyt pryf
o germania. y moraỽl vleid a|drycheif hỽnnỽ. yr hỽn
a gytymdeithocaha llỽyneu yr affric. y creuyd a dileir
eilweith. A semudedigaeth yr eisteduaeu penhaf a uyd.
Teilygdaỽt lundein a adurnoccaa kaer geint. A bugeil kaer
efraỽc a vynycha llydaỽ. Mynyỽ a|wikir* o vantell kaer
llion. A phregethwyr iwerdon a uyd mut o achaỽs y
mab yn tyfu yg kallon y vam. ef a|daỽ glaỽ gỽaet ac gi+
rat newyn a|liỽha y rei marỽaỽl. Pan delhont y petheu
hynny. y dolurya a dreic coch. Ac yny bo llithredic llafur
y grymhaa. yna y bryssa direidi y dreic wen. Ac adeiladeu
au* y gardeu a diwreidir. Seith dygaỽdyr teyrnwyalen
a ledir. Ac vn onadunt a uyd sant. Diruaỽr poen a uyd
yr dynyon. yny atueher* y rei eissywedic. a wna y pethe+
u hyn hynny a wisc gỽr euydaỽl. A|thrỽy laweroed o am+
seroed ar varch ufydawl y geidỽ llundein. Odyna yd
ymchoel y dreic coch yn|y priodolyon deuodeu. Ac yndi
e|hun y llafurya y dywalhau. ỽrth hynny y daỽ daỽ* di+
al ar holl gyfoethaỽc. kans pop tir a tỽyll y amaeth.
Morwolaeth a girbdeila* y popyl. yr holl gendloed* a dif+
frỽytha. A gỽedillon a adayar ant* eu genedic dayar.
Ac a heant gradeu* estronaỽl. y brenhin bendigeit a darpar
llyghes. ac yneuad y deudec y·rỽg y gỽynuydedigyon
y rifir. yna y byd truan adawat y|teyrnas. Ac ytlan+
neu yr ydeu a ymhoelant yn anfrỽythlaỽn. eilweith
y kyfyt y dreic wen. a merch germania a wahaỽd.
Eilweith y llenwir an gradeu ni o estronaỽl hat; Ac
| « p 53r | p 54r » |