Llsgr. Caerdydd 1.363 (Hafod 2) – tudalen 149v
Brut y Brenhinoedd
149v
yr brytanyeyt. Ac o|r dywed gwedy trossy
er heỽl ar dygwydedygaeth achỽbeyt my+
nyd maỽr oed en agos ỽdỽnt a gwnaetha+
nt e ssaysson a chynnal hvnnỽ en lle kastell
ỽdỽnt. ac o amylder eỽ nyfer ymdyryet a
thebygỽ bot en dygaỽn ỽdỽnt o kedernyt e
mynyd. Ac gwedy dydwyn o|r heỽl e dyd arall
rac wynep. arthỽr a|e lw a eskynnws penn e
mynyd. ac eyssyoes en er eskynnỽ hỽnnỽ lla+
wer o|y wyr a kolles. kanys haỽs oed er ssay+
sson o penn y mynyd gwneỽthvr drwc ar e
brytanyeyt noc yr brytanyeyt eg gwrth+
wynep e mynyd ar e ssaysson. Ac o|r dywed g+
an wuyhaf grym a llafỽr gwedy kaffael o|r
brytanyeyt penn e mynyd en e|lle wynt a da+
ngossassant ev deheỽoed ỽdỽnt. Ac en erbyn
henny e ssaysson en ỽraỽl a ossodassant eỽ br+
onnoed en eỽ gwrthwynep ac oc eỽ holl ang+
erd ymkynhal en eỽ herbyn. Ac gwedy tre+
wlyaỽ llawer o|r dyd e ỽelly llydyaỽ a orỽc ar+
thỽr rac hwyret e gweley e wudvgolyaeth
en dygwydaỽ ydaỽ. Ac wrth henny dynoethy
kaletwulch a galw enw er arglwydes ỽeyr
ac o ebrwyd rỽthyr kyrchỽ a orỽc eny ỽyd
em perỽed y elynyon. A phwy bynnac a ky+
| « p 149r | p 150r » |