Llsgr. Caerdydd 1.363 (Hafod 2) – tudalen 172r
Brut y Brenhinoedd
172r
val ed oed er amheraỽdyr en attep vdvnt hyt
na dylyey ef mynet o ffreync namyn en w+
uy dyvot o|y llywyaỽ ac o|y hamdyffyn. en ar+
haf qwyntyllyan ney yr amheraỽdyr en dy+
wedvt bot en wuy gorhoffed a|e gokyvadaỽ
e brytanyeyt noc ev gallỽ ac eỽ glewder. a|b+
ot en hwy ev taỽavt noc eỽ cledyf. Ac wrth
henny llydyaỽ a orvc Gwalchmey a|thynnỽ
e cledyf a llad y penn rac bron er amheravdyr.
Ac en e lle y gyt a|e kytymdeythyon eskynnỽ ar eỽ
meyrch ac ymtynnỽ o|r llys trach eỽ keỽyn. Ac en|e
lle e rwueynwyr en eỽ hol ac y ar|veyrch ac y ar
trayt en eỽ herlyt. y keyssyaỽ dyal eỽ kywdaỽtwr
arnadvnt. oc holl enny. Ac|ỽal ed oed vn onadvnt
en ymodywes a Gereynt carnwys. ef a ymchwela+
ỽd arnaỽ. ac a|e gleyf gossot arnaỽ a thrwy y arỽ+
eỽ ef a|e gwant trwy perved y corff eny vyd hyt
y llawr y ar y ỽarch. Ac ar henny blyghaỽ a gwnaeth bodo o|r
ryt ychen ry kaffael o ereynt er ragor hvnnỽ a
throy y ỽarch a orvc ar kyntaf a kyvarfỽ ac ef. ef
a ossodes arnaỽ en|y ỽogel. ac ar rodes dyrnaỽt a+
ghevavl ydav. a chymhell arnaỽ ymadaỽ a|y varch
| « p 171v | p 172v » |