Llsgr. Caerdydd 1.363 (Hafod 2) – tudalen 201v
Brut y Brenhinoedd
201v
a gwarchae breynt en e dynas a dechre+
v ymlad ac ef.
AC ar henny enachaf katwallavn en
dyskynnỽ yr tyr o|e longheỽ. a deng
myl o varghoyon* arvaỽc y gyt ac ef y gan
selyf brenyn llydaỽ. Ac en kyflym kyrchỽ
en lle oedyt en gwarchae breynt. Ac gwe+
dy y dyvot hyt en agos yr llw gwahanv y v+
archogyon en pedeyr kat a hep annhot ky+
rchỽ y elynyon. Ac gwedy dechrev ymlad
daly peanda a llad llawer o|y lw. Ac gwedy
nat oed fford arall ydaỽ e galley kaffael yech+
yt Gwrhaỽ a gwnaeth y katwallavn. ar rody
gwystlon ac adav mynet y gyt ac ef y ymlad
ar ssaysson. a chadarnhaỽ henny trwy arv+
oll a gwystlon. Ac gwedy kaffael o katwall+
aỽn e wudvgolyaeth galw a gwnaeth attav
y wyrda a wuessynt gwascaredyc trwy hyr
amser. ac en dyannot kyrchv e gogled ar torr
edwyn a dechreỽ anreythyav e gwladoed.
| « p 201r | p 202r » |