Llsgr. Caerdydd 1.363 (Hafod 2) – tudalen 5v
Brut y Brenhinoedd
5v
braỽt pandrasỽs yr aerỽa honno. mwy no dyrỽaỽr do+
lỽr a kymyrth yndaỽ o|r achaỽs honno. a galw y kyt+
ymdeythyon attaỽ ac ymỽydynaỽ ac ymchwelỽt a chy+
rchỽ y troỽanwssyon a wnaeth. kanys gwell oed kanth+
aỽ y lad yn gwrthwynebỽ ac yn ymlad; nogyt y ỽody
yn llychaỽl tonneỽ yn waradwydỽs. Ac wrth hynny o
tew ỽydyn o|e|kytymdeythyon yn ỽraỽl kan annoc yr rey
hynny o|e holl nerth treyglaỽ agheỽaỽl dyrnodyeỽ ac
ergydyeỽ a orỽc. Ac ny dygrynnoes hynny hagen na+
myn a|e ychydyc a|edym. kanys y troỽanwyssyon
a|oedynt gwyskedyc o arỽeỽ. ar rey ereyll yn no+
ethyon. ac wrth hynny glewach y gwneynt y|trỽ+
anhaf aerỽa onadỽnt hep orffowys.
Gwedy kaffael o brỽtỽs y bỽdỽgolyaeth kad+
arnhaỽ y kestyll a orỽc o chwe|chant marc+
haỽc. a gwedy yd aeth yntheỽ yr dyffeythỽch yn y
lle yd oedynt y anhedeỽ yn eỽ haros. Ar nos hon+
no pandrasỽs trwy dyrỽaỽr drystyt ac goỽeyly+
eynt o achaỽs y ffoedygaeth e|hỽnan a dalyedy+
gaeth y ỽraỽt. kynỽllaỽ y waskaredyc lw a wna+
eth y gyt. a|phan doeth y dyd drannoeth mynet
a orỽc ygkylch y kastell. ac eyste wrthaỽ. kanys
| « p 5r | p 6r » |