Llsgr. Caerdydd 1.363 (Hafod 2) – tudalen 94r
Brut y Brenhinoedd
94r
kanys ef a elwyt en vrenyn. ac nyt oed n+
ac garỽder nac yavnder nac ofyn enteỽ ar
nep nac o pell nac o agos o|r pobloed. E dev vap
yevync oed deỽ froder ydaỽ enteỽ nyt amgen
vther pendragon ac emreys Wledyc en ev crỽ+
deỽ ettwa ed oedynt. ac nyt oed arnadvnt o ed+
adas wrth lywywaỽ e vrenhynyaeth nac y|eỽ
gwnevthvr en vrenhyned. Eythyr henny he+
vyt dryc damweyn arall a damwennyassey
en er enys honn. Sef oed henny ry varỽ holl
hynaf·gwyr e teyrnas ac nat oed nep namyn
gortheyrn e hvn megys aryennyc o|e gallder a|e
doethynep a|e estryw megys en ỽn kynghorwr
en e teyrnas. er rey ereyll oll megys meybyon
a gweyssyon yeỽync oedynt gwedy ry lad en er
ymladeỽ kyn tadeỽ a hentadeỽ er rey henny ac
eỽ hewythred a phaỽb o|r a wuessynt vrdedyc a
medyannỽs kyn no henny. Ac wrth henny gw+
edy gwelet o ortheyrn henny medylyav a orvc
o pob ethrylyth. ac o pob estryw pa wed e galley e+
ntev dyosc constans vanach o|r vrenhynyaeth me+
gys e galley enteỽ kaffael e vrenhyaeth* ydav e hvn.
| « p 93v | p 94v » |