Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 109r
Buchedd Beuno
109r
A|phann deuth ef yno yr oed y|vorỽynn ygyt a|beuno
yn gỽassannaethu duỽ. a|gouyn a|oruc ef y|chỽaer.
a|doei hi ygyt ac ef o|e ỽlat. Ac yna y|dyỽat hi na myn+
hei hi vynet na gadaỽ y|lle y kyuodyssit hi o veirỽ.
A gỽedy gỽelet o|Jdon na|thyckyei idaỽ yr|oed arnaỽ
eruynnyeit a|oruc ef y|veuno dyuot ygyt ac ef
hyt yn aberffraỽ y eruynneit yr brenhin. kymell
idaỽ y|meirch ar eur ar aryant a|dugassei y|gỽr y
gan y|chỽaer. Ac yna y|kerdassant ỽy elldeu hyt yn
llys y|brenhin. Ac idon a argannuu y|gỽr yr oed ef yn
y|geissaỽ. Ac yn|y lle tynnv cledyf a|dỽyn ruthyr idaỽ
a llad y benn. Sef a|oruc y|brenhin yna llidyaỽ ac er+
chi dala y|gỽr a|ladassei y|gelein. Ac yna y|dyỽat beu+
no. na dodỽch heb ef ych|llaỽ ar|y gỽr a|deuth ygyt
a|miui. Yna y|tynnaỽd y brenhin trỽy y|lit ymdeith
ac y|tynghaỽd y parei ef diuetha y|gỽr yn|diannot
onny ỽnelei veuno y|gỽr a|ladyssit yn vyỽ. Sef a|ỽn+
aeth beuno yna yn diargyssỽr gann ymdiret yn|duỽ.
kyuodi yn vyỽ y|gỽr a ladyssit. Sef a oruc y brenhin
ydiuarhav ry|broui o·honaỽ y sant a|rodi yna y|veuno
y plas yn|yr hỽnn y|mae aelỽyt veuno. llaỽer o betheu
ereill a|beidyassam ni ac ỽynt ac adaỽssom heb y|dyỽe+
dut rac barnnv y|llyuyr hỽnn yn angkryno. Ychydic
yỽ hynn o ỽyrtheu beuno. Ac ny ỽyr neb dyn a|ỽnaeth
duỽ yr beuno onnyt|duỽ e|hun. A|phỽy|bynnac hysbys
| « p 108v | p 109v » |