Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 126r
Pwyll y Pader, Hu
126r
eneit na digaỽnn vot heb ryỽ leỽenyd a|e yn|y byt
hỽnn a|e rac llaỽ. Yn nessaf y hỽnnỽ y|daỽ glythineb
yr hỽnn a|lusc ac a|tynn y|bryt chỽannaỽc achubedic
yn|y pethev traghedic odieithyr hyt ar ormod bỽ+
yt a|diaỽt. Yn ol hỽnnỽ yn diỽethaf oll y|daỽ go+
dineb yr hỽnn a|gethiỽa. ac a|estỽng yt ỽylledic
y gethiỽet pechaỽt. vrth hynny trỽy syberỽyt y
hỽydda y gallonn. trỽy gyghorueint y gỽyhỽa. trỽy
irlloned y|tyrr. trỽy tristit y briỽir. trỽy gebydya+
aeth y|gỽesgerir. trỽy lythni y butreir ac y|gỽlych+
ir. trỽy odineb y sethrir. megys yn llỽch hyt yr eigy+
aỽnn. Y wedi gynntaf o|r pader a|dodir yn erbynn
Syberỽyt. pann dyỽetter. Sanctificetur nomen tuum.
Sef yỽ pỽyll hynny. kadarnnhaer dy enỽ ti arglỽyd.
val y bych dat ti yni. A nynhev yn veibon y|titheu. Val
y bo arnam ydy ofuyn ti a|th garyat a|th enryded
yny ymhoelom ni attat ti trỽy vfuylldaỽt. megys
yd ymydaỽssam a|th ti. Trỽy syberỽyt yn|y ỽed honn
y|rodir daỽn. yspryt. ofuyn y|dyn. Trỽy yr yspryt
hỽnnỽ y|dyỽedir ar vfylldaỽt. yny gaffo yr vfud te+
yrnnas gỽlat nef trỽy vfuydaỽt. yr hỽnn a golles
y syberỽ trỽy syberỽyt. megys dyỽeit crist yn|yr e+
vegyl. Gỽynn y|byt yr henghennogyon vfyd. kanys
ỽyntev biev teyrnnas gỽlat nef. Yr eil ỽedi ysyd
yn erbyn kghorueint*. Nyt amgen. Adueniat
| « p 125v | p 126v » |