Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 19v
Ystoria Lucidar
19v
Ac vn ohonunt nyt amgen anghev yr eneit
a distryỽaỽd. ar llall a|edewis yr trallaỽyt yr
etholydygyon. A|honno heuyt yn|y diwed pann
del a|e distrywa. Pa|du yd aeth y eneit ef gwe+
dy varỽ. Y|baradỽys nefaỽl. megys y|dyỽat
vrth y|lleidyr. Heddiw y|bydy di ygyt a|mi ym|pa+
radỽys. Pa bryt y|disgynnaỽd ef y|vffernn.
hanner nos. Y|nos y|kyuodes yn|yr aỽr y|distry+
waỽd yr angel yr eifft. Yn|yr vn aỽr honno. Sef
oed hynny hanner nos yd yspeilyaỽd krist
vffernn. Ac y|goleuhaaỽd ef y|nos megys y|dyd
mal y|dywedir. Y|nos a|oleuheir megys y|dyd.
a gvedy yspeilaỽ vffernn a|chyfulehav yr etho+
ledigyonn ym|paradỽys y|gowywad y|korff yn|y
bed a|deffroi o|veirỽ. Rei hagen a|synnyaỽd y|mae
o|r pann uu varỽ ef yny gyuodes y bu ygyt
ar etholedigyon yn vffernn. Ac odyna mynet
ygyt ac wynt y gyuodi. Ac nyt velly y bu
kyhyt y bu ef yn vffernn. Ac y|bu yn yspeilyaỽ.
Ac y|byd yn barnnv dydbraỽt. Sef yỽ hynny.
ennyt y|trewit yr amrant ar y|llall. Paham na
chyuodes ef yr aỽr y|bu varỽ. nev nat ymarho+
es yntev a|vei hỽy am gyuodi. Rac dyỽedut
na buassei varỽ. Nei pei kyfuodei ym|penn lla+
ỽer o amser. pedrus vydei a|e ef oed. Paham
| « p 19r | p 20r » |