Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 85r
Ymborth yr Enaid
85r
chafat arnunt yn eidunaỽ kussanev|sercholyon
y gann y|ffydlonnyon greaduryeit. Ac yn disglei+
ryaỽ onadunt pann gyffroi ardyrchafat y|ser+
cholyon wefuussev megys manwrychyon a gyfo+
dynt o safỽryrdan sychyon yskyryon pedryholl
ffynnidỽyd. A|phaỽb ryỽ safỽyrber blas a chỽe+
ith arnunt hyt nat oed na sukyr na blensbỽdyr
na mel kynnteit na gỽin klaret a|e kyffelypei.
A rei hynny a|elỽit gỽrychyonn serch yr yspryt
glan. Ac yn|y lle y syrthynt yg|kalonnev y|ffydlon+
nyon llosgrach o annỽylserch garyat yr yspryt
glan a|wnaent. Ac odyna yn|y byrgrỽnn desdus+
lus eneu yd|oed manwynnyon danned ymbellyon
myỽn gloyỽgochyon orchafuanev yg|kylch taf+
aỽt arafber huolder ymadraỽd. Ac is laỽ y byr+
grỽnn eneu gỽedeid yd|oed elgeth gronn gabole+
it wastatlefyn. Ac y·dan hynny mynwgyl kyl+
chaỽcwyn hirlỽys. Ac y·dan hynny hirwynnyon
wedeidlun vreisgyon vreicheu vrth gyngrynny+
on ysgỽydeu arỽreidweith. Ac odyna dỽylaỽ
hirỽynnyon kanneitlathyr. a byrryon ewined
ballassar kỽrteisson ar hirveinon vyssed anuei+
draỽl disgleirloyỽ lewychder. Ac ardyrchafat
dỽy|vronn vilỽryeid. A chorff lleweid arderchaỽc
ac amyarch yn aduein vonedigeidlun. Ac ody+
| « p 84v | p 85v » |